অলৌগুটি তলৌগুটি

অলৌগুটি তলৌগুটি

কোন ক’ত লটি-ঘটি

কচুপাতত লাই

যি হাতে আঙঠি নাই

সেই হাতে কেনেকৈ পায় … ঐ ৰাম

সেই হাতে কেনেকৈ পায় ?

ৰৌ, কুঢ়ি, চেনিপুঠি

চিতলৰে কলঠি

লগতে শাক লফা লাই

কি ক’ত বিচাৰি গৈ

কোনে হাবাথুৰি খায় .. ঐ ৰাম

কোনে হাবাথুৰি খায় ?

কোন মৎস্যকন্যা এহি … ঐ ৰাম

আঙঠি হেৰুৱালে …..     ঐ ৰাম

পানী তুলিবলৈ গৈ …..    ঐ ৰাম

পানী তুলিবলৈ গৈ

চিক্ মিক্ আঙঠি …     ঐ ৰাম

দৰিদ্রজনৰে ……         ঐ ৰাম

গৃহ উজলালে গৈ ..      ঐ ৰাম

গৃহ উজলালে গৈ ৷

কোন ক’ত আছাঁ

সোণৰে সদাগৰ ?

দৰদাম কৰাঁহি চাই

সোণাৰি শালতে বহি

শিলৰে পাটতে ঘঁহি

সোণৰে আঙঠি কিনা

নেপাবা দুনাই ৷৷

(কথাছবি : শকুন্তলা, ১৯৬১ চন )