গুপুতে গুপুতে কিমান খেলিম
আলিঙ্গনৰ এই খেলা
ছটিয়াও আহাঁ আকাশে বতাহে
দুয়োৰে ৰঙৰে মেলা।
সমাজ আৰু সংস্কাৰক
দেখুৱাওঁ আহাঁ প্ৰিয়া
লুকাই নথৈ আমাৰ দুখন
সাগৰৰ দৰে হিয়া ।
যৌৱনত জানো পাপ থাকে
প্ৰকাশ জানো বন্ধ থাকে
লহৰে জানো সাগৰক কৰে
কাহানিও অৱহেলা ।
তোমাৰ নয়ন যুৰি
তোমাৰ বুকুৰ পাপৰি
প্ৰতি চাৱনি শুৱনি
প্ৰতি পৰশ লাৱনি;
বন্ধ ঘৰৰ খিৰিকী দুৱাৰ
খোঁলা আজি প্ৰিয়া খোঁলা
নেলাগে আৰু দেখুৱাব আজি
শালীনতা শৃংখলা ।
মৰমত জানো নিয়ম থাকে
ধুমুহাৰ জানো পৰিধি থাকে
প্ৰভাতক জানো ঢাকিব পাৰি
পিন্ধাই লাজৰ মালা ।।
ৰচনা কাল : ১৯৭৬
গীতটোৰ পৃষ্ঠভূমি / প্ৰসঙ্গ/ গীতটোৰ সৈতে জড়িত কোনো কাহিনী/ Trivia জানে নেকি?
✨ Share Trivia ✨